အရည်းကြီးရဟန်းတွေဟာ အဝါရောင်သင်္ကန်းတွေကို မဝတ်ကြဘူး။ ဒီနေ့
ရသေ့တွေဝတ်တဲ့ အညိုမဲပုပ်ပုပ် အရောင်သင်္ကန်းတွေ ဝတ်ဆင်ကြတယ်။ ဆံပင်တွေကို လက်လေးသစ်ကျော်အထိ
အရှည်ထားကြတယ်။ မုတ်ဆိတ်မွှေးအရှည် ထားကြတယ်။ ရဟန်းနဲ့ မတူဘဲ ရသေ့နဲ့ ပိုတူတယ်။ သူတို့မှာ
ပိဋကတ်စာပေ အခိုင်အမာ မရှိဘူး။ သူတို့ကိုယ်တိုင်လည်း နတ်ကိုးကွယ်တယ်။ လူတွေကိုလည်း
နတ်ကိုးကွယ်မှုအတွက် ဆောင်ရွက်ပေးတယ်။ ထန်းရည် အရက်တွေလည်း သောက်တယ်။ အဂ္ဂိရတ်ထိုးတယ်။
ဆေးကုတယ်။ အင်းအိုင်ခါးလှည့် လက်ဖွဲ့၊ မန္တန်တွေကို စီရင်ပေးတယ်။ ဗေဒင်ဟော ဓါတ်ရိုက်လုပ်ငန်းတွေကို
လုပ်ကြတယ်။ မင်္ဂလာဆောင်တော့မယ့် သတို့သမီးကို မင်္ဂလာမဆောင်မီည အရည်းကြီးတွေဆီ လွှတ်ပေးရတယ်။
ဒါကိုပန်းဦးလွှတ်တယ်လို့ ခေါ်တယ်။ အရည်းကြီးဂိုဏ်းရဟန်းတွေရဲ့ အင်အားဟာလည်း မနည်းလှဘူး။
ဂိုဏ်းချုပ်အရည်းကြီး (၃ဝ)နဲ့ နောက်လိုက် အရည်းကြီး ခြောက်သောင်းကျော်ရှိတယ်။ ဒီအရေအတွက်ကိုကြည့်ရင်
ပုဂံနေပြည်တော်မှာ အရည်းကြီးသာသနာ ဘယ်လောက် ထွန်းကားခဲ့တယ် ဆိုတာ ခန့်မှန်းနိုင်တယ်။
ဤစာစုကို ဆရာ ဦးသောင်းလွင် ရေးသားသော မိရိုးဖလာလွန်ဗုဒ္ဓဘာသာ စာအုပ်မှ ထုတ်နုတ်ရေးသားထားပါသည်။
No comments:
Post a Comment