ဘုရားရှင်ကြွတော်မူတဲ့အခါ ခြေတော်ရာမထင်တာ မှန်ပါတယ်။ ဘာကြောင့်မထင်သလဲဆိုရင်
(၁) နူးညံ့သိမ်မွေ့တဲ့အတွက်၊ (၂) ခွန်အားကြီးမားတော်မူတဲ့အတွက်၊ လူအများကို သနားငဲ့ညှာတော်မူတဲ့အတွက်ကြောင့်
မထင်ကြောင်းကို အင်္ဂုတ္တိုရ် အဋ္ဌကထာမှာ ဖွင့်ပြထားပါတယ်။ ဘုရားရှင်ဟာ သတ္တဝါတွေကို ကယ်ချွတ်ဖို့
လေးသင်္ချေနဲ့ ကမ္ဘာတစ်သိန်း ပါရမီဖြည့်ပြီး ဘုရားဖြစ်လာရပါတယ်။ ဘုရားရှင်ကြွတော်မူရာ
ခြေတော်ရာတွေထင်နေပါက လူအများက ဒီခြေတော်ရာအားလုံးကို အရိုအသေ မပြုဘဲ လွှဲရှောင်မသွားနိုင်ဘဲ
နင်းမိ ကျော်မိရင် အကုသိုလ်ဖြစ်ဖို့ ရှိကြပါတယ်။ ခြေတော်ရာကို
နင်းသွား ကျော်သွားမယ့်လူတွေ အပြစ်ရမှာကို သနားတော်မူတဲ့အတွက် ဘုရားရှင်ဟာ ခြေတော်ရာမထင်အောင်
အဓိဋ္ဌာန်ပြီး ကြွသွားတော်မူပါတယ်။ ဘုရားရှင်ကို အမှတ်တရာ ဖူးမြော်လိုသူတွေ အမြတ်တနိုး
ဖူးမြော်ဖို့ ဖူးမြော်စရာတခု သနားတော်မူဖို့ တောင်းပန်တဲ့အခါ နောင်အခါလည်း သာသနာတော်
ထွန်းကားစည်ပင်ပြီး သာသနာတော် အကျိုးများဖို့ မြင်တော်မူတဲ့အခါ ခြေတော်ရာထင်စေသတည်းလို့
အဓိဋ္ဌာန်ပြီး ခြေတော်ရာကို ထင်စေပါတယ်။ မင်းဘူး၊ မန်းစက်တော်က ခြေတော်ရာဟာ သစ္စဗန်ရသေ့
တောင်းပန်လို့ ချခဲ့တာ ယနေ့ သာသနာတော် ၂၅ဝဝ ကျော်အထိ တည်တဲ့ထွန်းကားနေပါတယ်။
ဤစာစုကို
ဆရာ ဦးသောင်းလွင် ရေးသားသော မိရိုးဖလာလွန်ဗုဒ္ဓဘာသာ
စာအုပ်မှ ထုတ်နုတ်ရေးသားထားပါသည်။
No comments:
Post a Comment