ရုပ်ပွါးဆင်းတုတော်တွေကို အနေကဇာမတင်ဘဲ ကိုးကွယ်ကောင်းပါတယ်။ အနေကဇာတင်တာနဲ့ ပတ်သက်ပြီး ပိဋကတ်အစဉ်အလာ မတွေ့ရပါဘူး။
ရှေးခေတ်မြန်မာကြီးတွေက တီထွင်လိုက်နာခဲ့တဲ့ မြန်မာ့ယဉ်ကျေးမှု အစဉ်အလာ ဖြစ်ပါတယ်။ မြတ်စွာဘုရားသခင်ဟာ
သဗ္ဗညုတဥာဏ်ကိုရလို့ ဘုရားဖြစ်တော်မူတဲ့အခါ အားရ ကျေနပ်တော်မူတဲ့အတွက် အနေကဇာတိသံသာရံ
သန္ဓာဝိဿံ အနိဗ္ဗိသံ စတဲ့ ဂါထာတော်ကို စိတ်တော်ထဲမှာ
ကျူးရင့်တော်မူပါတယ်။ အခုရုပ်ပွားဆင်းတုတော်အသစ်ကို စတင်ပူဇော်တဲ့အခါ မူလက သာမန် ပန်းပုရုပ်တုတခုအဖြစ်မှ
သက်တော်ထင်ရှား ဘုရားရှင်ရဲ့ကိုယ်စား ဘုရားရှင်စိတ်တော်ထဲမှာ ရွတ်ဆိုသီကျူးခဲ့တဲ့ အနေကဇာတိ
သံသရံ ဂါထာတော်ကို ဘုရားရှင် ကိုယ်စား ရဟန်းတော်တွေက
ရွတ်ပေးခြင်း ဖြစ်တယ်။ အနေကဇာတိသံသာရံကို ရွတ်ဆိုပြီး ဘုရားအဖြစ် သိဒ္ဒိတင်ရာရောက်တယ်လို့
ယူဆပြီး အနေကဇာတင်တယ်လို့ ခေါ်ကြတာပါဘဲ။ အနေကဇာ မတင်ဘဲ ဘုရားအဖြစ် ကိုးကွယ်လို့ ရပါတယ်။
ဘိသိက်သွန်းအခန်းအနားကျင်းပတဲ့ သဘောပါဘဲ။
ဤစာစုကို
ဆရာ ဦးသောင်းလွင် ရေးသားသော မိရိုးဖလာလွန်ဗုဒ္ဓဘာသာ
စာအုပ်မှ ထုတ်နုတ်ရေးသားထားပါသည်။
No comments:
Post a Comment